कोरोना काळातील कार्य

कोरोना महामारीच्या अभूतपूर्व संकटात अभिजीत पाटील यांनी समाजसेवा हीच आपली जबाबदारी मानत विविध स्तरांवर मदतीचा हात पुढे केला. डॉक्टर, पोलीस, महसूल अधिकारी आणि इतर कोरोना योद्ध्यांसाठी दीर्घकाळ भोजन व्यवस्था करण्यात आली, तर हजारो गरजू कुटुंबांना धान्य व जीवनावश्यक वस्तूंचे वितरण करण्यात आले. रक्तदान शिबिरे, कोविड सेंटरसाठी आवश्यक सुविधा आणि रुग्णांसाठी मदतीचे अनेक उपक्रम सातत्याने राबविण्यात आले. कोरोनाच्या दुसऱ्या लाटेदरम्यान ऑक्सिजनच्या तीव्र तुटवड्याच्या काळात अवघ्या ३६ दिवसांत ऑक्सिजन निर्मिती प्रकल्प उभारण्यामध्ये त्यांनी महत्त्वपूर्ण नेतृत्व केले. या उपक्रमामुळे हजारो रुग्णांना जीवनदायी ऑक्सिजन उपलब्ध झाला आणि संकटाच्या काळात लोकसेवेचे प्रभावी उदाहरण निर्माण झाले.